Amerikalı həkimlər COVID-19-un yeni simptomunu aşkarlayıblar.
Həkimlər həmin əlaməti "koronavirus barmaqları” adlandırıblar.
Məlumata görə, bu simptom özündə göy, ya da al-qırmızı rəngə bürünmüş ayaq barmağının zədələnməsini ehtiva edir.
Pensilvaniya Universitetinin infeksionisti Ebbinq Lautenbaxın sözlərinə görə, həmin ləkələr çox vaxt qıcıq və toxunuş zamanı ağrı verir.
Araşdırmaçılar bu əlaməti həm kəskin respirator distress sindromu olan ağır xəstələrdə, həm də xəstəliyin simptomsuz keçdiyi gənclərdə, həmçinin uşaqlarda müşahidə edildiyini vurğulayıblar.
Bununla yanaşı, "koronavirus barmaqları” hələ xəstəliyin ilkin mərhələlərində, başqa sözlə, testin neqativ çıxa biləcəyi vaxtda görülə bilər.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.
Dünyada koronavirus infeksiyasına indiyədək yoluxanların sayı 2 733 000-i ötüb. Bunların 751 404 nəfəri sağalıb, 191 185 nəfəri isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
///Report
