İslam Əməkdaşlıq Təşkilatı (İƏT) fövqəladə iclas keçirəcək.
AZXEBER.COM xarici mətbuata istinadən xəbər verir ki, İslam Əməkdaşlıq Təşkilatı avqustun 7-də İsrailin Fələstin xalqına qarşı hücumları və qanun pozuntularını müzakirə etmək üçün xarici işlər nazirləri səviyyəsində fövqəladə iclas keçirəcək.
İƏT-dən verilən yazılı açıqlamada, HƏMAS Siyasi Bürosunun sədri İsmayıl Haniyənin öldürülməsi və İranın suverenliyinin pozulması, İsrailin Fələstin xalqına qarşı davam edən pozuntuları kimi məsələlərin müzakirəsi üçün növbədənkənar iclas keçiriləcəyi bildirilib.
Bəyanatda qeyd olunub ki, İƏT-in Səudiyyə Ərəbistanının Ciddə şəhərində yerləşən qərargahında keçiriləcək "İƏT Açıq İştirakçılığa dair İcraiyyə Komitəsinin fövqəladə iclası” xarici işlər nazirləri səviyyəsində keçiriləcək.
Gülay
