1990-cı ilin 20 Yanvar təqvimi tariximizdə xalqın azadlıq səsini ucaltdığı, öz suverenliyi uğrunda cəsarət nümayiş etdirdiyi mübarizənin şərəfli tarixidir. 20 Yanvar şəhidlərinin qəhrəmanlığı Azərbaycanın müstəqillik tarixinin parlaq səhifələrindən biri kimi daim xatırlanacaq və gələcək nəsillərə örnək olacaqdır.
Respublikamızın bütün bölgələrində olduğu kimi Naftalan şəhərində də 20 Yanvar faciəsinin otuz beşinci ildönümü ilə əlaqədar olaraq anım tədbiri keçirilib.
Anım tədbirində ŞİH-nin başçısı, hüquq-mühafizə orqanlarının rəhbərləri, YAP Naftalan şəhər təşkilatının sədri, şəhid ailələri, müharibə iştirakçıları, idarə, müəssisə və təşkilat rəhbərləri, ziyalılar, şəhər ictimaiyyəti iştirak edib.
Faciə qurbanlarının xatirəsinə ehtiram əlaməti olaraq "Vətən Uğrunda Həlak Olanların Memorial Kompleksi” ziyarət olunub.
Naftalan şəhərinin inzibati ərazisində də şəhidlərimizin əziz xatirəsinə ehtiram əlaməti olaraq dövlət bayraqları endirilib, saat 12:00-da şəhidlərin xatirəsi bir dəqiqəlik sükutla yad olunub, nəqliyyatın hərəkəti dayandırılıb, avtomobillər vasitəsi ilə səs siqnalları verilib
